close





<十分愛>



如果愛可以打分數.咁我對伱嘅愛..應該喺完全嘅十分..
如果愛可以用分數衡量嘅話.咁就唔叫作愛情啦..
所以話..其實世上喺咪無十分嘅愛呢?


對于部戲.無我想像中聽大家講咁難睇..
雖然情節幾反復無常...成日講到一舊一舊咁..結局又唔知點咁..
但喺從呢部戲入面.都令我懂得好多嘢..

<十分愛>如果同<獨家試愛>相比..佢要現實好多...
無絕對嘅好同壞...都無絕對嘅岩同錯...
或者就喺呢種唔完美嘅愛情..令到部戲更加貼近我哋嘅生活..




首先講下晴晴嗰段...
森美眞喺典型嘅"男人"..啫喺之前我講過..嗰種同時想擁有紅白玫瑰嘅男人.
屋企有一個..外面有一個..中意外面嗰個多D.但喺又唔捨得放開屋企嗰個..
經過好多離離合合..森美終于都同晴晴喺返埋一齊..
現實就喺咁..往往都要經歷好多次嗰兜兜轉轉..男人先明白其實一開始身邊嘅先喺最好..

晴晴好幸福...有小武咁嘅好人一直陪喺佢身邊..
我覺得其實晴晴一直都知小武好中意佢...女人就喺咁.點都唔會捨得推開對自己好嘅人..
小武亦都知晴晴嘅心意..佢都知幸福喺唔可以勉强嘅..但喺就喺忍唔住對晴晴好..

咁樣嘅關係..令我冧到我自己..
其實咁樣做喺咪好自私?

小武嘅死..令到大家更珍惜身邊嘅一切...
喺囖..正如cy話嘅..如果晴晴一早知道小武會死..咁佢會唔會中意佢?!
就算喺同小武一齊..都只不過喺同情同埋憐憫..嗰D根本就唔喺愛情.

晴晴成日都因爲森美要甩小武底...
小武次次都會笑下咁同晴晴講.."無所謂啦.咪下次先囖!"
下次再下次..唔會再有下次了...愛情同命運點會允許我哋有下次..
下一次?已經換左主角.換左劇情了...

晴晴過左好耐去搵小武..睇到嗰時眞喺忍唔住喊左..
其實我聽到cy都喺度喊..不過無勇氣轉過頭..驚對望到會喊到收唔住...
嗰刻突然覺得我同小武好似...唔知從幾時開始..我已經喺度做緊嗰本相册..
小武留比晴晴嘅位置..邊個都替代唔到..
但喺好可惜..晴晴再都唔可以企喺小武隔離了...
我覺得好驚..驚自己都會有一個咁樣嘅遺憾..




Hins嘅出現令到Stephy對愛情有左憧憬...但可以最尾都喺失望而回.
又喺因爲誤會...可唔可以唔好再有誤會啊!
Alex不斷重複一句說話.."顧美寶.妳會有報應架!".
呢句話其實喺個伏筆...結局都驗證左呢句話嘅存在...

部劇入面有句好經典嘅臺詞...
"呢個世界咩都喺掩眼法.睇到嘅唔一定喺眞嘅.喺眞嘅.伱又未必會咁好彩睇到".
喺啊.眞相伱未必睇到.伱睇到嘅..未必喺眞相..





關于友情嗰part..
其實我早就估到第三者喺Miki..但喺我無冧到背後會發生咁多事..
如果我喺晴晴.我一早就會問清楚阿寶發生咩事..
就算會傷心.會難過..我都會選擇搞清楚件事.
我唔想無左個愛人..連朋友都會無埋...
至于Miki...我唔知應該點形容佢..從兩個角度睇..
一愛喺無罪嘎...二但喺嗰個喺朋友嘅老公啊...
最尾好彩晴晴同阿寶都做返好朋友..所以話過.朋友喺一世嘎.
雖然唔知喺我面對愛情同友情嘅時候會點樣抉擇..
但喺最起碼而傢.我會好好咁珍惜身邊每一個對我好嘅朋友...





一直都以爲Alex喺好人..點知原來佢先喺最衰嗰個...
我無晒嘢講..我已經分唔清咩喺眞咩喺假了...
呢頭解釋話喺妹妹...其實喺女朋友.咁樣嘅招數..眞喺對住邊個都可以用..

記得Stephy最尾同Alex告白講過..
"我一直都以爲愛情喺場游戲.伱厄我.我厄伱.我可以知道點令男人中意我.但喺當佢眞喺中意左我嗰時.我又覺得呢場游戲唔好玩了.因爲我唔信愛情..唔信我愛嘅人."
Stephy選擇信任Alex...我以爲佢眞喺會得到幸福..但最尾..咪又喺比人厄左...
我好迷茫..喺呢個世界.我究竟喺要選擇信任定喺欺騙?
選擇左信任..伱就喺比人欺騙嗰個..愛情喺咪就喺咁無奈?!


人往往喺多面嘅.要搞清楚一面都已經好困難..更何况喺重重嘅假面?!
當局者迷.旁觀者清.究竟喺迷者比較幸福?定喺清者比較快樂?
而我...寧願做嗰個蠢嘅迷者...
如果個天比我撿多次..我都會選擇去愛伱..就算伱有幾唔值得我愛..

當選擇信任一個人..全心全意咁愛一個人.就注定只可以見到佢嘅一面.
或者會被欺騙.但喺可以留喺自己愛嘅人身邊..何嘗唔喺另一種幸福?
幸福唔喺失去嘅...唔喺未得到嘅..而喺已經擁有嘅.


呢部劇想講比我哋聽嘎就喺愛情嘅現實同殘酷...有好多嘢都唔由得我哋來控制.
導演話.劇中相互指責嘅對白.猜疑分離嘅場面.每個人都或多或少會有相似嘅感覺...
結局未到最尾一刻都無人知道...
這般戲劇性嘅愛情故事...其實喺我哋生活中好正常..
人生本如戲.


-------------------------------------------------------------------------


十分愛 From Stephy

分手後應該擺脫 卻自覺天真
曾傷我最傷的人 捉緊我心
應該漠不關心 仍然還著緊
消失怎見人 很想跟你熱吻

愛你 要比沉淪深海 更難耐
你沒有心給我未來 求你莫再 令我憎你 還愛

早知不應試愛 現算哀 現在問問誰珍惜不再
活該 當得到所愛 背著我犯錯 竟不散不愛
心未放開 原來逃避 感覺亦怕亦存在

愛滿分竟是換來 痛念滿分 可否再一次以後 一直愛

這考驗不高深 是偷進你真心
來傷我更傷的人 多麽次等
應該漠不關心 然而還著緊
消失怎見人 很想跟你熱吻

愛你 要比沉淪深海 更難耐
你沒有心給我未來 求你莫再 令我憎你 還愛

早知不應試愛 現算哀 現在問問誰珍惜不再
活該 當得到所愛 背著我犯錯 竟不散不愛
心未放開 原來逃避 感覺亦怕亦存在

愛滿分竟是換來 痛念滿分 不想再一次意外

早知不應試愛 未算哀 現在問問誰珍惜不再
活該 當得到所愛 背著我犯錯 竟不散不愛
心未放開 原來逃避 感覺亦怕亦存在

愛滿分竟是換來 痛念滿分 可否再一次以後 一直愛








 
arrow
arrow
    全站熱搜

    yoki 發表在 痞客邦 留言(2) 人氣()

    E-mail轉寄